Бид шаардлагатай шим тэжээлээр дутагдан, маш ихээр ядарч, түүнээс үүдэн өвчлөлд мэдрэмтгий болдог шүү дээ. Тэгвэл Амтлаг Зөгийн бал өөрийн биед гарч буй өөрчлөлт болон, шинж тэмдгээр өөртөө ямар витамин дутагдаж байгааг мэдэх зөвлөгөөг танилцуулья. Бид энэ хорвоод нэг л амьдарна. Тиймээс биеэ хайрлаж, өдөр тутамдаа шим тэжээлтэй хоол хүнсийг идэн, цэвэр агаарт гарч байгаарай.
Хүний биед шаардлагатай бүхий л витамин, амин дэмийг зөгийн бал агуулдаг тул таньд дараах шинж тэмдэг , зовиур илэрсэн тохиолдолд зөгийн бал хэрэглээрэй.
1. Булчин, үе мөчөөр хөндүүрлэх
Хэрвээ таны булчин, үе мөчөөр маш их өвдөж, дээшээ доошоо шатаар буух, явган алхахад хүндрэлтэй болж байгаа бол, таны биед Д витамин дутагдсаныг илтгэнэ. Мөн уулын олон цэцгийн зөгийн балыг сайтар хэрэглэж, өдөр наранд 30 минут орчим байх хэрэгтэй. Ингэснээр арьсаар дамжуулан, бид биедээ хэрэгцээтэй амин дэмийг авах учиртай. Мөн зориулалтын витаминыг авсан ч болно шүү дээ. Хоол хүнсэндээ цагаан идээ, махыг түлхүү хэрэглэхээс гадна өглөө бүр зөгийн балтай сүү , ус ууж хэвшээрэй.
2. Хөлийн тавхай, ул өвдөх
Хөлийн тавхай, ул өвдөж, алхах гишгэхэд хүндрэлтэй болсоор байгаа бол таны биед нэн шаардлагатай В12 витамин дутагдаж байж болох юм. Тус витамин нь зөгийн бал загас, тахиа, сүү, цагаан идээнд түлхүү агуулагддаг билээ. Мөн аль болох тайван байж, өөрийгөө стресстүүлэхээс болгоомжлоорой.
3. Нүдний хараа муудах
Нүдний хараа мэдэгдэхүйц муудаж, хүний царай танихгүй байх, аливаа зүйлийг маш бүүдгэр харж байгаа бол танд А витамин дутагдаж байна. Мөн Д витаминаас болж ийнхүү ижил шинж тэмдэг илэрч болно. Тиймээс та хоол хүнсэндээ лууван, төмс, зөгийн бал, өндөг, олон төрлийн жимс ногоог сайтар хэрэглэж, нүдний дасгалыг хийж хэвшээрэй.
4. Хөдөлгөөн удааширна
Биеийн хөдөлгөөн удааширч, үе мөч гацах, алхах, гүйх зэрэгт хүндрэл учирч байгаа бол танд Е, В12 витамин дутагдаж байж болох юм. Тиймээс аль болох уураглаг хоол хүнс, мах, самар, үр тариа, өндөг зөгийн бал, зэргийг хүнсэндээ түлхүү хэрэглээрэй.
5. Шарх удаан аних
Аливаа шарх бэртэл удаан эдгэж байгаа нь таны биеийн эсэргүүцэл муу байгааг илтгэдэг. Тиймээс танд юун түрүүнд С витамин хэрэгтэй. Хоол хүнсэндээ цитрусын төрлийн жимс жимсгэнэ, зөгийн бал нэмэлт витаминыг хэрэглэж болох юм.
6. Ерөнхий биеийн байдал дордох
Бие тань нэг л чилээрхээд, сэтгэл санаа ч тэр үнэхээр тогтворгүй байгаа бол та юун түрүүнд эмчид хандаарай. Мөн танд В1, В12, витаминууд дутагдаж байх магадлалтай. Элэг, вандуй, шош, зөгийн бал зэргүүдийг хүнсэндээ түгээмэл хэрэглэхийг хичээгээрэй.
7. Амнаас эвгүй үнэр гарах
Хэрвээ хичнээн ам, шүдээ угаасан ч таны амнаас таагүй үнэр үнэртэж, өөрт зовиуртай байгаа бол та шүдний эрүүл ахуйг эмчид харуулахаас гадна В3 витаминыг хүнсэндээ хэрэглээрэй. Энэхүү витамин нь мах, загас, наран цэцгийн үр, зөгийн бал шош зэрэгт ихээр агуулагддаг.
